膠2之金倫發惶-人物介紹+第一集

由 **yipyip** 于周一 10月 20, 2008 10:10 pm

膠2之金倫發惶為膠佬越玄超好笑之續篇,請細心欣賞"

角色:
稱呼／(關係)／原名／年齡
金姨 (敵人) 金秀妹 40
亞倫 (敵人) 吳香倫 39
銀姨 (姑姐) 膠銀 40
呆婆 (婆婆) 原畢呆 68
阿膠 (大仔) 膠一膠 21
佬女 (二女) 膠佬姥 18
越女 (三女) 膠越炳 17
超仔 (五仔) 膠乞超 15
七仔 (七仔) 膠七笑 10
Dr馬 (醫生) 馬不久 46
肥福 (同鄉) 黃福 40
(不演出)
膠Ba (父) 膠勤 44
膠Ma (母) 膠原又膠 42
玄仔 (四仔) 膠玄蛋白 15
呀好 (六女) 膠好美 14

第一集
(膠氏一家人躺在醫院床上)
旁白:膠氏一家人已經做左半年植物人,今日就有d起色
(銀姨,呆婆,阿膠,越女身上的植物開始枯萎了,他們都蘇醒了)
Dr馬:太神奇喇,佢地既生命力太強喇
銀姨:咦,我係邊呀?
呆婆:哎唷,我個頭好痛喔
Dr馬:你地好呀!我係Dr馬,恭喜你地
越女:馬醫生?我地係醫院牙?
Dr馬:無錯呀
銀姨:下?咁你恭喜我地咩呀?
Dr馬:恭喜你地可以奇蹟咁醒返
阿膠:咦,膠ba膠ma佢地仲唔醒既?等我叫醒佢地先
呆婆:醫生,我地做嘜會入左醫院嫁?
越女:仲有點解係奇蹟咁醒牙?膠ma係咪唔會醒嫁?
阿膠:膠ba膠ma快d醒丫!
Dr馬:其實係半年前你地遇上交通意外,令你地全家都做左植物人
銀姨:下!咁佢地而家仲係植物人牙?
Dr馬:沒錯係…
阿膠,越女:膠ba,膠ma (哭)

(同日在亞倫家中)
亞倫:哼!膠銀,唔好以為你做左植物人我就當冇左件事,到你醒返果時就知味道!
(收音機傳出消息:今早渣勤膠廠的老闆膠勤的姐姐膠銀,外母原畢呆,及兩名子女蘇醒,引來大量記者到子子醫院…)
亞倫:太好喇!天助我也!
(突然有人敲門,亞倫去開門)
亞倫:係你?你黎做咩
金姨:我知道哂你d衰野,我想同你合作

(銀姨,呆婆,阿膠,越女在街上行)
銀姨:呆婆,估唔到我地一訓就訓左半年喇
呆婆:係囉,不過都算大命喇,果次車禍唔死得
阿膠:係喎銀姨,我記得果日係因為幫你記返起野而一家人出街
銀姨:下?幫我記返起野?我失左憶咩?
越女:銀姨你而家係咪嘜都記得呀?
銀姨:緊係啦,不過我就唔知我有失憶過喇
阿膠:我諗銀姨已經好返喇
呆婆:呀銀,咁點解你果陣比人落毒比人打嫁?
銀姨:哼!我諗你地估都估唔到係佢
越女:邊個呀?
銀姨:咪係工廠果個亞倫囉!前面就係工廠喇,我地搵佢算帳!
(銀姨,呆婆,阿膠,越女一直行到工廠舊址)
阿膠:咦,工廠執左笠喎
呆婆:哎唷,咁就緊係啦,我地成家都入左院,班工人點做都唔會有人工啦,我諗佢地一早起左嚕
(銀姨表現失落)
越女:咁我地間屋會唔會都冇左嫁?
呆婆:間屋係你呀爸買左嫁嘛,點會冇左呢,你應該問有冇鎖匙入屋!
越女:咁我地鎖匙入屋?
銀姨,呆婆,阿膠:冇喔
呆婆:咁我地搵開鎖佬啦,你地去買餸,今晚煮餐好既
阿膠,越女:好丫

(呆婆一人在找開鎖佬,撞見了金姨)
金姨:原老太你好
呆婆:你係邊個?好似有d面善
金姨: (奸笑)我係你個女膠原又膠既朋友呀,我叫洪三如,可以叫我呀紅
呆婆:哦,呵呵!你又會記得我既,哈哈
金姨:當然記得啦,佢以前成日提起你嫁,不過我都好耐冇見佢喇
呆婆:哦,係牙?
金姨:原老太,我有d野想同你講嫁,係有關姓膠既人
呆婆:下?你話我個女個老公同佢姐姐牙?
金姨:係呀,件事係咁既,你個女話我知原來佢地兩夫妻一早已經鬧離婚,佢老公就諗住離婚之後將所有仔女都歸佢,膠妹緊係唔肯啦,不過個衰人聯合埋佢姐姐一齊迫使到膠妹要讓出哂d仔女比佢地,我知道都好嬲嫁,我知膠銀就醒左,而家我想你同我一齊聯手對付佢囉
呆婆: (生氣地)嘜有d咁既事架?好!我同你一齊對付佢!

(阿膠和越女站在家門口,呆婆和開鎖佬一齊上前)
呆婆:咦?阿膠,越女你地做咩企係門口嫁?銀姨呢?
阿膠,越女:銀姨話買漏左野,佢見買左咁多野,就叫我地留係度等佢返黎
呆婆:哼!拿,阿膠,越女,你地而家唔好再聽銀姨講既野,你鐘意點就點,唔好理佢!
開鎖佬(肥福):搞掂
(呆婆,阿膠,越女入屋,銀姨出現)
肥福:咦!你咪膠銀!
銀姨:咦!你係肥福!咁都見到你既!
肥福:我幫果家人開門鎖嘛
銀姨:果家咪我果家囉,原來你做開鎖既
肥福:下!你住果家架?你就係佢地口中既銀姨?
銀姨:係呀,做咩呀?
肥福:我…冇野

(翌日在亞倫家中)
亞倫: (冷笑一聲)估唔到我地竟然有機會合作丫
金姨:雖然你之前害我係膠家黃哂,不過你而家都係一樣姐,我地可以企埋同一陣線
亞倫:咁我地一齊對付膠勤同膠銀啦
金姨:而家我已經說服左個呆婆幫我地對付膠銀喇,易辦事好多
亞倫:好,不過你都要小心行事
金姨:呢層你同我定,反而顧掂你自己好d,膠家醒左果三個人都知係你害左膠銀,所以你小心d至真 (亞倫渺視金姨)

(在家中,呆婆,阿膠,越女在看電視,銀姨在清潔家具,傳出電話聲,呆婆去接電話)
呆婆:喂…..係,我係……下!你話搵返佬女同超仔? ……好!好,而家即卡黎
呆婆:阿膠,越女! 搵返佬女同超仔喇!我地去接返佢地喔!
阿膠,越女:下?太好喇!
銀姨:我都一齊去丫!

待續...